و الهنادي …. و القير عادي
شو قصتها و الهنادي … و القير عادي ….
طبعا من كثر ما أنا بحب سيارة الهوندا أكورد فكنت دايما أجنن أخوي الصغير (حموده الله يسعده) و أحكيله الهوندا و الهنادي و كيف بتسرع و بتفحط و و و …. وطبعا كنّا دايماً نحضر انا و اياه أفلام تفحيط سيارات و أكثرها من الهوندا …. المهم حموده صارت معلقه بباله هاي الشغلة و طبعاً كان من احد المقاطع اللي كنا نشوفها مكتوب على السيارة تعليق (ناويها نية …. و الكورد ذهبية) ، فكنت كل ما أشوف حموده أجكيله ناويها نية ؟؟؟ و هو يرد عليّ و الكورد ذهبية ….. لدرجة بعض المرات كنت بس لما أتطلع عليه يفهم و يجاوب بدون ما احكي اشي …. صار متبرمج !!!!!
فمرة راح على مدرسته العجيبة و رجع كالعادة على الظهر ، و صحاني من النوم بطريقة انه الحق بسرعة فقمت شو في يا محمد و طبعا انا مش قادر أفتح عينيّا وبحكي لي قول و الهنادي !!!!!! طبعا انا صرت اضرب اخماس في اسداس صحاني علشان اقوله والهنادي … يالله مش مشكلة خلينا اخلص و ارجع انام فحكيت له و الهنادي … فرد عليّ و القير عادي …. وقتيها صحصحت و صرنا نعيدها وانضافت في القاموس الهونداوي !!!!
🙂
على سيرة الهوندا …. هي خلفية ان شاء الله تعجبكم
