هالات سوداء من فكري

تصرفين صايرات معي … بجد مغيوظ منهم … لأنهم صارو معي:
بدايةً إنه حدا يواعد شخص في موعد معين كمقابلة أو طلعة أو تغيير جو … وبدون اعتذار أو اهتمام ينسى أو يتناسى الموعد … طيب مانت قد المواعيد و الكلام ليش بتتفلسف و بتعطل مصالح الآخرين عشان حضرتك … وحتى لو ما عنده شي ليش بتواعده وبتأكد عليه … بصراحة أنا بشوف إنه هذا البني آدم مستهتر وعديم مسؤولية … بس الطريف بالأمر إنه لما تشوفه و يصير يتلوى قدامك و يتخلق أعذار مش مقبولة ، يعني على قولة المثل (عذر أقبح من ذنب) … وإذا إنت من النوع اللي بيستهتر لا تعطي موعد لأحد … وإذا كنت من النوع اللي بينسى في اختراع بجوالك اسمه (Reminder) … مع إني متأكد إنه ما في حدا بينسى طلعة تسلية أو ترفيه عن النفس.
بجد شكراً يا أصحابي على التصرفات اللطيفة… لكن هذا درس أتعلمه أو أتذكره من جديد.

التصرف الثاني قد يكون جزء من الأول أو مشابه له … اللي هو لما حدا يحتاج مني خدمة بيصير من أحسن الناس وأنا لو أطلب عيونه بيكون حاضر لحد ما ياخذ اللي بدو إياه … (و الله على قلبي أحلى من العسل إني أخدمه) … لكن لما أحتاج منه خدمة !!؟ بيصير ينسى و يتخلق أعذار مع العلم إنه هو من أتاح لي فرصة طلب أي خدمة … طيب ما دام إنك مش قد الحكي و الخدمة ليش بتتفلسف وتحكي أطلب اللي بدك إياه … لكن بجد حكمة أنا نسيتها و هذا جزائي (هين قرشك و لا تهين نفسك)….
بجد شكراً يا أصحابي على التصرفات اللطيفة… لكن هذا درس أتعلمه أو أتذكره من جديد.

مش عارف هي هيك صارت الصحبة؟؟؟

ومتى إجت التصرفات هاي؟؟ … مع النفسية السيئة … (يعني كملت).