موقعي ومدونتي بثيم Google بلمساتي :)
وأخيراً خلصت من تصميم الموقع بالشكل الجديد …
طبعاً الكل بيعرف إني من عُشّاق العم جووجل يعني محرك البحث الرئيسي جووجل وإذا بدي أدور على صور باستخدم بحث جووجل وإذا بتفرج على فيديو بدخل على Youtube الي هو من العم جووجل، وإذا بدي اشترك بقروب برضو مع قروبات جووجل … وكمان مستخدم كثير من التطبيقات الخاصة من العم جووجل مثل (adsense, friendconnect, analytics, … إلخ) وفي خدمة جديدة شبيهه بخدمة (tinyURL) بس من العم جووجل (goo.gl) وإيميلي من العم جووجل (Gmail) وكمان ما بنسى (GTalk) وباستخدم خدمة الترجمة الخاصة بجووجل والريدر كمان من عند جووجل ومرات باستخدم خدمة (google documents) و (google calender) و (Google Maps, Google earth)، ولاستعراض الصور استغنيت عن برامج عرض الصور ببرنامج (Google Picasa) والجووجل كروم (Google Chrome) متصفحي الرئيسي (بجد بدون أي مجاملة أو إنقاص بحق المتصفحات الثانية إنه الكروم أحلى و أخف وأسرع من المتصفحات الثانية – يكفي إنه حجم صفحة الاستعراض أكبر من الباقيات – صحيح بالنسبة إلي في عيب بس مش هالشي العظيم يعني العيب اللي ملاحظه إنه لما تكتب بالعنوان مسار مقطع صوت مثلاً MP3 بيشغل المقطع على المتصفح… بس لو إنه بيعطي خيار إنك يا تشغله على المتصفح مع إمكانية التحكم في التقديم و التأخير و الإيقاف و التشغيل و الأدوات هذه أو خيار ثاني تحميل المقطع على الجهاز.) … كمان في شغلة أنا كنت مجربها من قبل بس مع التجديد احتجت لها و هي خدمة (google sites) عشان الباندويث تبع موقعي ما ينشل أمله مع تشغيل الأغاني الي بصفحة الفلكلور رفعت الأغاني على حسابي في (Google Sites) زي ما بتعرفو الباندويث على سيرفرات Google ما بتفرق معهم بس عندي على موقعي بتفرق معي :)، وامبارح تفعل اشتراكي ب (Google wave) وكمان في خدمة جديدة الي هي (google goggles) بجد تحفة من صنع البشرية.
المهم من فترة وأنا بأفكر بتغيير الشكل لموقعي و المدونة بحيث إنه ما ينهضم حق الموقع الرئيسي مثل ما كان مهضوم وتكون كل الصفحات ظاهرة مع بعض وين ما يكون المتصفح (الزائر) … فكنت أتصفح الريدر على موقع (ericulous) ولقيت الثيم هذا وأعجبني و حفظته عندي لحد قبل أسبوع تقريباً وفتحته وعربته وسويت عليه تعديلاتي بحيث إنه بحيث إنه ما يختلف شكل الموقع مع المدونة إلا بحاجات طفيفة والحمدلله انتهيت منه بس ضل عندي مشكلة الصور … بما إني مش مصمم جرافيك فاستعنت بأحد الأصدقاء بالتصميم واستخدمت مكتبتي المفضلة (jQUERY) في البرمجة … ماراح أحكي عن البرمجة بدي أتركها إلكم تتصفحو الموقع وتخبروني إذا كان في خلل ما انتبهت له … وكمان سويت شوية تعديلات على المدونة ببرمجة خاصة بي … وما أخفيكم الحمدلله تعلمت شوي كيف أتعامل مع برمجة الووردبريس ولازال البحث والتعلم مستمر … 🙂
بدايةً غيّرت الترميز لموقعي إلى ترميز (UTF-8) ، وغيّرت المحتوى بالموقع من الصفحة الرئيسية و من أنا و مجدل عسقلان و غيّرت في محتوى دفتر الزوّار و كمان اتصل بي وأضفت صفحة (فلكلور) حطيت فيها معلومات عن التراث الغنائي الخاص بفلسطين مع أغاني و دبكات وأهازيج فلسطينية 🙂 . وحطيت صور و فيديو عن المجدل و فلسطين و دبكاتنا بصفحة المجدل. بتمنى إنها تعجبكم 🙂 .
كانت مدة العمل خمس أيام تقريباً … يومياً تقريباً من 4 إلى 5 ساعات. واجهتني شوية مشاكل بصفحة الفلكلور مع إضافة مشغل الصوتيات (jPlayer) لكن الحمدلله انحلت بعد جهد تقريباً 4 ساعات من البحث. بس بدكم الجد … والله كانت فترة ممتعة الحمدلله 🙂 … تركيز وتجارب و هاي ما زبطت إيش العلّة؟ و يسسسسس زبطت … يعني أكشنات مع البرمجة 🙂
والحمدلله اليوم خلصت وأتممت المهمة بإذن الله على أكمل وجه … و إن شاء الله يعجبكم 🙂
دمتم باستخدام العم جووجل… 🙂
دمتم برعاية الله …