شقة جديدة :)

يوم الأحد الماضي الحمدلله استأجرت شقة أكبر من الي كنت فيها غرفتين وصالة وتوابعها… ودهنت الشقة أول يوم واشتريت الأنوار واللمبات وسويت الكهرباء كاملة حولت كل الأفياش لـ 220 فولت وسويت سباكة لدورات المياة (أعزكم الله) وفرشتها موكيت واشتريت مكيف جديد وستائر جديدة ونقلت عفشي كل هذا بثلاث أيام … يعني الله لايوريكم التعب و الهلكان الي كنت فيه.

إلى الآن دفعت مبلغ مش قليل والله … ولسه ضايل أشياء لازم منها بس لبعد العيد لأني ما قدرت ألحق على شرائها … وبعضها مخطط عليها من الأساس بعد العيد … بسبب ارتفاع أسعار العفش في شهر رمضان.

صحيح كنت مبسوط لما استأجرت الغرفة الي كنت ساكن فيها … لكن بعد فترة من السكن تعبت صحياً منها بسبب الغبار والرطوبة لأنه ما بيدخل عليها شمس … لكن (كان) مجبر أخاك لا بطل… لكن الحمدلله انفرجت وتوسعت الله يديم البركة علينا وعليكم 🙂

ماأخفيكم قبل أسبوعين كنت أدور على شقق وكانت عن جد فاجعة بالنسبة لي (على الأقل) … تخيلو شقق غرفتين وملحقاتها صارت أسعار إيجاراتها من 18 ألف إلى 28 ألف ريال طبعاً بأتكلم عن الشقق الجديدة … أما الشقق الي بعمارات قديمة من 14 ألف إلى 19 ألف ريال طبعاً على حسب نظافة الشقق … يعني الشقة الي بـ 14 ألف … الله لا يوريكم إيش فيهن!! عجب العجاب… تخيلو معي في أحد الشقق الي دخلتها أشوفها … شقة عبارة عن غرفة وصالة وملحقاتها … الغرفة مقسومة بجدار، الي مسوي الإسمنت الي على الجدار مش مكلف حاله يستخدم الأداة الي بتخلي الإسمنت متساوي (مش عارف إيش اسمها) …. المهم إنه مساوي الأسمنت بيده و طبعات كفه وأصابعه على الجدار … المشكلة إنه صاحب الشقة طالب فيها 18 ألف … طبعاً الله يرزقه … بس على الأقل زبّط الشقة عشان الي يشوف الشقة ما يهوّن فيها المبلغ المطلوب.

بس الحمدلله توفقت بشقة لكن صار معي قصة اتفقت مع صاحب الشقة على مبلغ قبل ما استلم الشقة بأسبوع تقريباً لكن كانت غلطتي إنه ما كتبنا عقد من وقتها … لكن الحمدلله على كل حال .. قبل ما استلم المفتاح بأكم من يوم اتصل عليّ وقال لي إنه ارتفع الإيجار مبلغ معين … صرت أتناقش معاه إنه اتفقنا وقلنا وحكينا … لكن لا حياة لمن تنادي … ورضيت بالأمر الواقع والحمدلله … بس أرتاح صحياً – هذا المهم عندي… والله يعطينا خير هذا السكن.

صراحةً تعلمت بعض الدروس عند استئجار شقة جديدة…. راح أضلني حافظهم طول عمري وأحطهم حلقة في ذاني…

دمتم بود وراحة بال