سلامتك يا سيارتي
امبارح الجمعة رحت على البحر أغير جو وانبسط المهم صفيت سيارتي بشارع طولي جنب الرصيف تمام وأخذت الكرسي العجيب و كاسة القهوة والحمد قضيت وقت حلو بالبحر … صار أمر استوجب إني أروح … وصلت لسيارتي …
لفت انتباهي انه في اشي مش مزبوط بمقدمة السيارة … لقيت الصدام كامل على الأرض…. بحكي في مخي ( والله يا ربي إنه الصدام مكانه فوق شوي)
لما استوعبت الموضوع لقيت إنه سيارتي مصدومة …. يالله الحمدلله على كل حال … والحمدلله إنها بالحديد… بس السؤال اللي دار في بالي و إلى الآن نفسي أفهم بس كيف الطريقة الي صارت و انصدمت و طاح الصدام بأكمله على الأرض …. وهي بموقف طولي ؟؟ مش راضيه تركب معي … 
رحت اليوم أحاول أركب الصدام بشكل (مشي حالك) ما زبطت … أمرنا لله بصدام جديد… 
بس ربنا الله الي صدم السيارة أديب … ترك لي ورقة بيعتذر و كاتب رقم جواله و اسمه …
تحديث : الحمدلله الله ستر من شراء صدام جديد … وديتها على سمكري قالي ما بتحتاج صدام جديد (ألف حمد وشكر يا رب) … بس لازم اترك السيارة عنده لليوم و ان شاء الله تخلص اليوم …. (قبل ما اروح على السمكري مريت على الوكيل أسأل عن سعر الصدام قالي قبل التخفيض 683 ريال و بعد التخفيض 500 ريال – في اشي مش مزبوط في الأسعار صح ؟؟!!)
تحديث : الحمدلله طلعت السيارة من الورشة … 😆
وان شاء الله خير يا رب … والحمدلله على كل حال
دمتم بود