سأحكي لكم

سأحكي لكم تجربتي مع عملية تصحيح النظر الي عملتها في يوم 11 نوفمبر، قبلها بيوم رحت للمستشفى وعملت الفحوصات المبدئيه ليتم التحقق من صلاحية العملية على العيون ومعرفة مستوى النظر الي هو (0،75 / 6) بعدها تم تحديد نوع العمليه (epi lasik) لثاني يوم.

طبعاً في ملاحظة // ابتسامة الدكتور في وجه المريض نص الشفا (الله يذكره بالخير الدكتور الي سوى لي العملية).

طلب مني أشتري قطرة خاصة بالعملية قبل الدخول للعملية بعشر دقايق.
في اليوم التالي اشتريت القطره الخاصه بالعمليه ودخلت غرفة العمليات تحت الجهاز لمدة 20 دقيقه تقريبا، بعديها أعطاني قطرات والنصائح … فكان في سؤال بديهي سألت الدكتور شو الوضع مع الكمبيوتر؟ فجاوبني جواب أبده (أكثر بداهه) من السؤال قال إذا قدرت تقعد عالكمبيوتر أقعد. (لسه مش عارف إيش الي جاي  ).

روحت البيت وأنا شايف كويس بس خلص مفعول البنج (القطره الخاصة بالعمليه) بطلت أشوف أي اشي مع حرقة وممنوع أقرب من عيني لحد ماأحط القطرات تهدأ لمدة 4 ساعات والساعتين الباقيات معاناة لوقت القطرات، دامت الحرقه يومين وبعدها النظر كان مشوش تماما لحد ماصفي شوي بعين والثانيه صفيت شوي بعد 3 أيام.

بعد أسبوع من العملية كان موعد المراجعه شالو العدسات الواقيه وحطت لي الممرضه قطرة حسيتها زي الكلور وبعدها راح النظر(المشكله كنت رايح المستشفى بسيارتي لوحدي كيف روحت ربكم ستر) المهم كشف الدكتور والحمدلله طمني إنو صار مستوى النظر( 2،5 / 6 ) وأعطاني قطره جديده لمدة شهر ودموع اصطناعيه لمدة شهرين وقال لي خلال ال 10 أيام راح تشوف أحسن وبوضوح وحاليا كل يوم أحسن من الي قبله وإن شاء الله خير.

حالياً في تشويش بالنظر لكن الحمدلله أحسن من الأول..

شكر خاص لكل من علّق على تدوينتي السابقة 🙂

دمتم بود