روتين روتين !!!!
صارلي فترة غايب عنكم و عن المدونة لكن بعيداً عنكم حالة الطفش عندي و الأشغال بالويل … ربكم ييسر بس.
حياتي كل يوم نفس الشي ما في تجديد … نوم صحيان بدري وجبة الفطور و الغدا و العشاء (ثلاثة في واحد) كلها في وجبة واحدة بعد صلاة العشاء بعدها سهرة على البحر لحد الساعة 12 تقريباً و كل يوم على هالمنوال…
بفكر باشي يكسر هالروتين مش عارف إيش أعمل؟؟ وما بقدر أمارس هوايتي المفضلة رقم ( 9 ) اللي بموضوع 10 حالات حب لأنه راح أتأخر كثير (هأنسى حالي)…
لدرجة إنه كل يوم بروح واحد من مطعمين (مافي تغيير) وكل يوم على نفس المكان على البحر ونفس البيت وكل شي نفسه … ماشي على المثل (اللي بعرفه بقرفه) ..
بس ربنا الله في شغلة بتسلى فيها بسوي شوية تجارب برمجية بتقنية الأجاكس للفائدة وإن شاء الله راح أنزل مواضيع عن الأجاكس بس أتقوى فيها شوي ..
قاعد بفكر أطلع هيك يوم في الصباح بدري أروح أسبح في البحر لكن المشكلة مع مين؟؟!!! وبعدين هذه الأيام عشان الإجازة كثير زحمة الطرق … وبيجي لكم واحد مسكر سايد كامل (اليسار) وهو بتمشى فيه على العشرين … والسايد الثاني مزحوم سيارات ما في شي عندكم تدلوني عليه أكسر فيه هالروتين … بجد اشي بيفقع القلب … ويا حبيبي على الشباب اللي بيشجعو وبيصجو ام الدنيا كلها انه فريقهم فاز (سؤال على جنب فريقين و بيلعبو مع بعض هذول (المزعجين) ايش داخل جيوبهم عشان يأذونا – ومتعصبين لفرقهم يعني كأنه فريقهم داري عنهم ولا جايب خبرهم) …
المهم ما علينا … مافي عندكم اشي تدلوني عليه يكسر الروتين ؟؟
دمتم بود