العصبية ….

كثرت الواجبات … وطلعت الفضايح …
واجب الأخ محمد بن سالم … على موضوع العصبية …
مين حكى اني عصبي ؟؟؟ آه مين اللي حكى بس ؟؟؟

بالنسبة إلي أنا كثير عصبي …. وما بتحمل أي كلمة بحقي …. وبعصب بسرعة …. لكن بعد مرور ساعات بهدأ إذا كان الموضوع ماخذ حده معي …. أما إذا الموضوع بسيط كلها دقايق و برجع طبيعي …. لكن بضلني شايلها للمشكلة اللي بعدها عشان أرجعها …. طبعاً بعاني من هاي الشغلة كثير لدرجة إني ما بعرف مين قدامي أو حواليي من الناس و طبعاً بيطلع الصوت العالي في البداية و إذا احتاجت لمد ايدين ما في أي مشكلة ….

وطبعاً مثل ما حكيت إني راح احط قصة صارت معي بتاريخ 25/1/2007 اللي هو تاريخ مناقشتي…. المهم ناقشني دكتور كان طالع من مناقشة شباب رافعين ضغطه و جاي عندي مرفوع ضغطه جاهز و الحزين ما بيعرف سامي … فالمهم بدأنا المناقشة و أصحابي موجودين و حاضرين و كلهم بيعرفو عن عصبيتي لدرجة إنه والله العظيم الشباب كانوا يدعوا الله إني ما أعصب في المناقشة على الدكتور (كأنهم كانوا حاسين)…. المهم الدكتور بعد ما حاول انه يكتشف أغلاط برمجية عندي وما لقى  حكى لي بطريقة مستفزة كثير (مشروعك فاشل وانا بساويه بيومين) طبعاً امبير الضغط عند سامي صار على الإتش …. وبدأت معه بأسلوب العصبية …. كيف مشروعي فاشل و بعدين انت كم عمرك اكيد عمرك لا يقل عن 45 سنه و غير انه معاك ماجستير و دكتوراه و خبره اكيد راح تسويه بيومين …. بس أنا اسمي طالب و عمري 24 سنة وما عندي الخبرة اللي عندك اللي انت بتساويه بيومين انا بساويه بأربع شهور …. وطبعاً كله بصوت عالي بيني و بينه لدرجة إنه الدكتور المشرف على مشروعي حاول انه يلطف الجو و يقول لأصحابي خذوا سامي طلعوه شويه و رجعوه بس خلوه يهدا ….. طبعاً و يحكي مع الدكتور اللي بيناقشني انه يحكي معي بطريقة لطيفة لأني كثير بعصب ….. المهم بنهاية المناقشة … الدكتور اجى و اعتذر مني و انا شايل منه و نفسي أكله (بس و الله صدقاً إنه أحرجني لما إجى يعتذر على طريقة مناقشة معي) ….. وبتذكر في كان دكتور ثاني (قاسم خرما الله يذكره بالخير) حضر مناقشتي فبعد ما عصبت فقرب من الدكتور اللي بيناقشني و حكاله بصوت مسموع شوي فسمعته بيحكي له دكتور حاول إنك ما تعصب أبو حمام (قصده عني) …. و الحمد لله عدت على خير و نزلت المشروع خامس أعلى علامة بالجامعه الحمد لله فهاي عصبيتي …. اللي نفسي أتخلص منها …..