انتقل إلى مثواه الأخير عمي الكبير زهير أحمد قبل ساعات
إنا لله وإنا إليه راجعون. اللهم أجرنا في مصيبتنا و اخلف لنا خيرا منها اللهم اغفر له وارحمه واعف عنه واكرم نزله ووسع مدخله واغسله بماء وثلج وبرد ونقه من الخطايا كما ينقى الثوب الأبيض من الدنس وأبدله دارا خيرا من داره وأهلا خيـرا من أهله وزوجا خيرا من زوجه وقه فتنة القبر وعذاب النار.
رحمة الله عليه رحمة واسعة وأدخله فسيح الجنات

جاهزين ؟؟؟ يلا نكمل…

انصدمت السيارة للمرة الثانية بس هاي المرة كانت صعبة بالنسبة لي فمع زحمة جدة و طريق المدينة توقفت المسارات كلها وكان حظي أكون آخر واحد … فمسكت يد الإشارة وبتطلع بالمراية على اللي جاي من وراي ما لقيت الا سيارة مسرعة وراي فتأهبت للحادث و عبست بوجهي و ضغطت راسي للأمام بانتظار الصدمة و فعلاً ثواني سمعت صوت كفرات سيارته و خبطتها بسيارتي ….. ما ضل اشي بالسيارة مكانه كل اشي وقع حتى نظارتي لقيتها تحت الكسي اللي جنبي … المهم نزلت أشوف الصدمة من ورا لقيتها خفيفة الأذى (خدوش بالصدام و خبطة بسيطة جداً بالشنطة) الحمدلله رجعت اركب السيارة اجيب جوالي اكتشفت انه من قوة الصدمة اني صدمت السيارة اللي قدامي ويد الإشارة اللي كنت ماسكها انكسرت …. يا للهول كانت جامدة من قدام المهم ثواني معدودة اجت سيارة المرور و طلعنا من الطريق العام على الخدمة وعرف القصة واحنا في الخدمة و حولنا على القسم … ما راح أحكي عن الطرائف اللي صارت بالقسم لكن اللي صار انه اللي صدمني تحمل كافة الإصلاحات لسيارتي و سيارة اللي قدامي …. رحنا لتقييم الإصلاح كلفت مبلغ (2400ريال إصلاح و قطع) قلنا يالله لعله خير لاحظت بورقة التقييم مكتوب شمعة أمامي 50% وناقشتهم فيها (عشان المرور) كيف يعني 50% قالولي لا ما عليك فيها ما راح تأثر معاك باشي … قلنا ماشي لما وديتها على المرور عشان اخذ فلوس التصليح إلا العسكري حسب بالالة الحاسبة و قال لك مبلغ 2150 ريال قلت كيف هو الي صادمني من ورا و التقييم قال 2400 ريال و الحق 100% عليه … قال لي العسكري انه هنا النور مكتوب 50% (طبعاً سعر الشمعة 600 ريال) … طبعاً الي صدمني ما صدق خبر طلع 2100 ريال و قال ما معي صرف للخمسين وأتناقش مع العسكري و أبداً لا حياة لمن تنادي وطلعت بكيسي وكمان ناقصة خمسين ريال كرماً من اللي صدمني الحمدلله على كل حال ….
والله ما فرقت معي الل 300 ريال ولاني شايلها من أرضها لكن اللي ضايقني الطريقة اللي أكلوني فيها … بعد القصة قلت للعسكري (بعصبية) أسألك بالله بدك إياني أقول لبامعروف أعطيني شمعة 50% ؟؟؟؟!!!!!! (حسيت إنه استوعبها) المهم اسبوعين وانا اطارد على الورش و قطع الغيار عشان يد الإشارة اللي ما هي راضيه تزبط معهم… و الحمدلله تم الإصلاح ودفع فلوس زيادة من جيبي على التصليح عدا عن مصاريف التكاسي رايح جاي…. و الحمدلله على كل حال.

بيكفي اليوم… نراكم قريباً بإذن الله

دمتم بود وراحة بال … و الله يبعد عنكم العصب السابع

السلام عليكم و رحمة الله و بركاته
بداية أشكر كل من افتقدني وسأل عني وأخص بالذكر: شموخ ملكة و Mohammad Irshid و وردة و محمد و عابر سبيل و مضيعة بيتهم و أدهم و Exganza و smilefirst و أحمد بدرة و حنان و محمد بن سالم و أمنية العمر و ابراهيم القحطاني و محمد منصور بيك باشا الأول و توازن و edimido و ندى الفجر

من يوم 5 يوليو 2008 استأذنت من التدوين لعدة أسباب اللي هي :
1- الشعور بالخمول من الناحية التدوينية.
2- كان عندي ضغط شغل وكان المفروض إني أفرغ نفسي تماماً من أي شي لأجله لدرجة إني نسيت إنه عندي مدونة ( لوووووووووووول كبيرة هاي والله).
3- تفادياً لبعض الأزمات اللي كانت مواجهاني من خلال التعليقات… لكنها انتهت والحمدلله.
وغيرها …

المهم … صار معي أكشنات برمجية وغير برمجية راح أسرد بعضها و البعض الآخر سأحتفظ به لنفسي…

من الأكشنات الغير (برمجية) …. استمتعت جداً مع أخوي يوسف وشباب ما بنعرفهم برحلة صيد بحرية تم التخطيط لها بوقت قصير جداً وصدنا كمية لا بأس فيها من السمك و الظريف بالموضوع إنه أول مرة بروح رحلة صيد و أول مرة بصطاد سمك صدت 4 سمكات (لا والله مكثر!!!! لووووووول) طبعاً كنت الحظ الأقل بين الشباب …. لكني معذور أول مرة بجرب هاي التجربة …. وما بعرف أشك إني صدتهم بالحظ (لوووووووول).
بس والله رحلة إجت بوقتها لأني خلاااااص كنت راح أنفجر من ضيقة الخلق… الحمدلله على كل حال… دامت الرحلة من الساعة 9 المسا تقريباً لحد الساعة 11 الظهر ثاني يوم … طبعاً حاولت بكل ما استطيع إني أضلني صاحي معهم لكن لاحياة لمن تنادي …. والله ما عندهم !!!! المهم أنا فكرت ايش أسوي عشان ماأوقع لا جوة المركب و لا برة المركب (يعني في البحر لوووووووول) لقيت حل واحد أني أمسك حدايد المركب و أربط حالي فيها (بدون حبال لووووووول) وهاتك يا نوم … استملت خط وصلت تركيا و رجعت كانت فترة لا بأس فيها 3 ساعات نوم و الله ما أحد حولي و لا سامع أي اشي لا صوت البحر و لا صوت الشباب من قوة النوم و التعب … ورجعت أكمل المهنة تبعتي (صيد السمك)… طبعاً كانت ممتعة جداً الرحلة.

استمتع بالطلعات مع أصحابي من أيام الجامعه تقريباً بأغلب الأيام لحد ما إجتني آفة العصب السابع … نمت وصحيت لقيت نص وجهي الأيمن بمظهر غير طبيعي و عيني ماني قادر لا أسكرها و لا أتحكم فيها … رحت صيدلية قبل المستشفى … فجزاه الله خير الصيدلي قالي عن هاي المشكلة وإنه بدها من شهر لثلاث أشهر لين ما تروح ويرجع وجهي وجسمي الجهة اليمنى بشكل طبيعي … بصراحة موقف لا أحسد عليه و نفسياً تعبت منها وقال مافي فايدة لو أعطيك أدوية من هنا لبعد سنة ما الها علاج لكن العلاجات اللي موجودة كلها ضحك على الدقون (بما معنى كلامه)…قلت ماشي … لكن مش مرتاح ورحت على (المجزرة الماليه) المستشفى ودفعت الكشفية عشان أتكلم مع الاستشاري و بالأخير يقولي حالتك طبيعية و نفس كلام الصيدلي لكن زاد عليها إنه بدو أشعة رنين مغناطيسي سعرها 760 ريال عشان يتطمن بزيادة .. المهم سجلت اسمي للأشعة طلع موعدي بعد أربع أيام قلت ماشي و طلعت من المستشفى ولما اجى موعد نومي نمت بدون مكيف (ولا زلت إلى الآن) وكل يوم الحمدلله في تحسن …رجع وجهي طبيعي و صرت أتحكم نوعاً ما بعيني - صحيح انه مش مثل الجهة اليسار لكن أفض من الأول بكثير … الحمدلله على كل حال.

تقابلت مع مدونين جدة مرة في (second cup) وبجد انبسطت جداً بمعرفتهم … الفضل لله ثم أحمد بدرة اللي ذكرني بعد ما تأخرت عليهم (لأني يومها ما كنت فاضي أحك راسي)…

وشرفنا المدون الغالي أبو سعد من الشرقية يومين … أروع يومين بجد …. تشرفت بشوفته و بالقعدة معاه والسواليف الحلوة وبحضرة أرطبون الحادي عشر :mrgreen: أتمنى إنك تعيدها ياأبو سعد قريب…

إيش كمان …. إيش كمان ؟؟

خلص بيكفي اليوم …. أكشنات غير برمجية.
نكمل المرة الجاية.

دمتم بود وراحة بال

سأعود في وقت لاحق بإذن الله
دمتم بود و راحة بال

أعتذر عن الخطأ اللي كنت فاهمه أنا خطأ … النظام هذا ليس لجووجل (جرى التنبيه من الأستاذ عمر بالتعليقات - شكراً يا أستاذ عمر ) ولكن هذا النظام مبني على لينكس توزيعة أوبنتو 7.10 بالذات بس مهتم بالتطبيقات تبعت جووجل من ضمن القوائم تبعته…
وبالنسبة لاسم النظام … فعلاً خانتني الذاكرة و طلع اسم النظام (Android). بس على فكرة الي فهمته إنه النظام بيشتغل على أجهزة الموبايلات من فئة (iPhone) و (HTC) وغيرها.

تعددت الأنظمة والحرية للمستخدم الآن ما راح يتقيد بنظام تشغيلي يجبره على استخدامه، الأغلبية حولو إيميلاتهم من هوت ميل (التابعة لميكروسوفت صاحبة نظام التشغيل ويندوز) إلى إيميل العم جووجل بغض النظر عن المميزات الي ما فيها أي وجه مقارنة بين الايميلين و الخدمات… عدا عن ذلك صار العم جووجل هو المسيطر الأكبر على مفهوم الانترنت من ناحية الخدمات والإضافات و الاجتماعيات … على سبيل المثال من خدمات العم جووجل اللي موفرها لجميع مستخدميه (الايميل و تحرير المستندات أون لاين و بحث المواقع والفيديو والصور والمكتبات البرمجية و الفيس بوك واليوتيوب و و و و الي صارت صعبة الحصر)… والكل تقريباً سمع عن نظام تشغيل جووجل الحالي الي بتطوره (أطلق عليه قبل فترة اسم لينارد إذا ما خانتني ذاكرتي) والي ما سمع يعرف رجعت أبحث عنه لقيت إنه صار اسم (g OS) … ولكن سؤالي… هل هنستبدل الويندوز بنظام جووجل مثل ما استبدلنا الايميلات و التعاملات الانترنتية؟؟ وخصوصاً من بعد ما هنشوف الفيديو هذا والمرونة والسرعة في القوائم والتطبيقات اللي بتيجي مع النظام…

على فكرة في موقع بيتيح تجربة النظام … تنزله وتجربه سواء تحميل على الجهاز أو تستعرضه من السيدي الي راح تنسخ عليه النظام (Live CD).
هل سمعتو عن مصطلح (غوغلة) ؟؟؟ ما سمعتو من أحد الناس بيقول مثلاً (والله اليوم غوغلت عن شي معين)
ملاحظة // غوغلة على غرار عولمة..

دمتم بود و راحة بال و غوغلة